sanā ca soma jeṣi ca pavamāna mahi śravaḥ |
athā no vasyasas kṛdhi ||
sanā jyotiḥ sanā svarviśvā ca soma saubhaghā |
athā ... ||
sanā dakṣamuta kratumapa soma mṛdho jahi |
athā ... ||
pavītāraḥ punītana somamindrāya pātave |
athā ... ||
tvaṃ sūrye na ā bhaja tava kratvā tavotibhiḥ |
athā ... ||
tava kratvā tavotibhirjyok paśyema sūryam |
athā ... ||
abhyarṣa svāyudha soma dvibarhasaṃ rayim |
athā ... ||
abhyarṣānapacyuto rayiṃ samatsu sāsahiḥ |
athā ... ||
tvāṃ yajñairavīvṛdhan pavamāna vidharmaṇi |
athā ... ||
rayiṃ naścitramaśvinamindo viśvāyamā bhara |
athā .. . ||